Չուվաշիայի բնակիչը սպանել է խորթ հորը՝ կատվի հրամանով
Ռուսաստանի Դաշնության կազմում ներառված Չուվաշիայի Հանրապետությունում քրեական գործ է հարուցվել 31-ամյա տղամարդու դեմ, ով մեղադրվում է խորթ հոր սպանության համար։
Ինչպես տեղեկացնում է Лента-ն, վիճաբանության ընթացքում կասկածյալը խորթ հոր պարանոցի, որովայնի ու կրծքավանդակի հատվածում դանակի 15 հարված է հասցրել, ինչի հետևանքով տղամարդը մահացել է։
Ձերբակալվածն իր մեղքը չի հերքել, սակայն մանրամասնել է, որ սպանել է բարեկամին իրենց ընտանի կատվի հրամանով։
Այժմ մասնագետները պետք է դատահոգեբանական փորձաքննություն անցկացնեն՝ կասկածյալի մեղսունակ կամ անմեղսունակ լինելը պարզելու համար։










