Հիվանդ հայ երեխային հաջողվել է Սլավյանսկից Ռուսաստան տեղափոխել
Ուկրաինայի Սլավյանսկ քաղաքի 8 ամսական բնակիչ Ժենյա Եզեկյանի շուրջ լարված իրավիճակը վերջապես հանգուցալուծվել է։
Երեխան հիվանդանոցում է եղել այն պահին, երբ այն ռմբակոծության է ենթարկվել, հիշեցնում է Комсомольская правда-ն։
Նրան դուրս են բերել քաղաքից և ավագ քրոջ և մոր հետ տեղափոխել ՌԴ Ռոստովի մարզ, որտեղ նրան արդեն սպասել են ռուս բժիշկները։
Բնածին հիվանդության պատճառով երեխան ինքնուրույն շնչել չի կարողանում, և նրան թոքերի արհեստական շնչառության սարքավորում է միացված։
Չնայած դժվարություններին՝ նա այժմ արդեն Ռուսաստանում է։ Երեկ Սլավյանսկի բժիշկներն իրենց ունեցած լավագույն շտապօգնության մեքենան են հատկացրել, սակայն սարքը պարբերաբար անջատվել է։
Հարևան Կրամատորսկում երեխային մեկ այլ մեքենա է դիմավորել, որի բժիշկները, չնայած սպառնալիքին (երկրի այդ մասով շարժվելը բավական վտանգավոր է), Ժենյային հասցրել են մինչև սահման։










