Համացանցում հայտնվել է տեսանյութ, թե ինչպես է Մերկելը փորձում զրույցի մեջ ներքաշել Պորոշենկոյին և Պուտինին

10:28 • 07.06.14

Համացանցում է հայտնվել կարճատև տեսանյութ, որում երևում է Նորմանդիայում Գերմանիայի կանցլեր Անգելա Մերկելի, Ուկրաինայի նորընտիր նախագահ Պյոտր Պորոշենկոյի և ՌԴ նախագահ Վլադիմիր Պուտինի հանդիպումն ու կարճատև զրույցը, հայտնում է korrespondent.net-ը։

 

Տեսանյութում երևում է, թե ինչպես է Անգելա Մերկելն ակտիվորեն փորձում զրույցի մեջ ներքաշել երկու նախագահներին։

 

Ավելի վաղ հաղորդվել է, որ նրանց ոչ պաշտոնական հանդիպում է տեղի ունեցել Նորմանդիայում։

Նորմանդիայում տոնական արարողությունների շրջանակում պետք է ընթրիք տրվեր Ֆրանսիայի նախագահի անունից։ Ճանապարհին էլ երեք առաջնորդները շփվել են մի քանի րոպե։