Նյու Յորքում բնակվող եմենցին 4.7 մլն դոլարի փոխհատուցում կստանա՝ իրեն «Բեն Լադեն» ասելու համար
Նյու Յորքում բնակվող եմենցի Օսամա Սալեհը դատարանի որոշմամբ 4.7 մլն դոլարի փոխհատուցում կստանա նրա համար, որ իր գործընկերներից մեկն իրեն վիրավորել է՝ անվանելով «Բեն Լադեն»։
Ինչպես նշում է Al Arabiya-ն, Սալեհն աշխատում է հագուստի մի խանութում, որի անվտանգության աշխատակից Ջեյմս Ռոբինսոնը վիրավորել է տղամարդուն՝ ասելով, որ ինքն ատում է «կեղտոտ» արաբներին։ Այնուհետ նա հարվածել է Սալեհի դեմքին ու անվանել «Բեն Լադեն»։
«Ինձ համար դա մեծ վիրավորանք էր»,-ասել է Սալեհը՝ Բրուքլինի դաշնային դատարանի կողմից վճռի հրապարակումից հետո։
Աղբյուրը մանրամասնում է, որ 4.7 մլն դոլարը կփոխհատուցի Ռոբինսոնի կոպիտ վիրավորանքի հետևանքով Սալեհի կրած սթրեսն ու վիրավորանքը։










