Փարիզում «սիրո կողպեքի» ծանրությունից կամուրջը մասամբ փլվել է
Փարիզի ամենահայտնի կամուրջներից մեկից՝ Pont des Arts-ից, տարհանվել են մեծ թվով զբոսաշրջիկներ, քանի որ կառույցը հազարավոր «սիրո կողպեքների» ծանրությունից մասամբ փլվել է։
Ինչպես տեղեկացնում է The Daily Mail-ը, բարեբախտաբար, միջադեպի հետևանքով որևէ մեկը չի տուժել։ Կամրջի մի մասի փլուզումից հետո ոստիկանները ստիպված են եղել շրջափակել տարածքը։
Աղբյուրը նշում է, որ զբոսաշրջիկների շրջանում տարածված սովորություն կա, ըստ որի՝ նրանք կամրջի վրա ամրացնում են իրենց ու սիրեցյալի անունով կողպեք՝ ի նշան հավերժ սիրո։
Սակայն մետաղյա կողպեքի ծանրությունը լուրջ սպառնալիք է դարձել կամրջի ամրության համար։ The Daily Mail-ը նկատում է, որ այս խնդիրը Փարիզից զատ առկա է նաև այլ երկրներում ու ԱՄՆ-ում։ Ուստի մի շարք եվրոպական երկրներում կոչ է արվել կամուրջներն ազատել վտանգավոր կողպեքից։
















