Մահացել է Վերաքննիչ քաղաքացիական դատարանի դատավոր Դանիել Խաչատրյանը
Կյանքից հեռացել է ՀՀ վերաքննիչ քաղաքացիական դատարանի դատավոր Դանիել Վարդանի Խաչատրյանը։ Այս մասին տեղեկացնում է ՀՀ դատական դեպարտամենտին տեղեկատվական կենտրոնը:
«Համակրելի մարդու, փորձառու դատավորի, լավ գործընկերոջ կերպարն ընդմիշտ կմնա նրան ճանաչողների սրտերում։ ՀՀ դատական համակարգը սգում է դատավորի մահը և խորապես վշտակցում նրա ընտանիքին ու մերձավորներին»,- նշված է հաղորդագրության մեջ։
Նշենք, որ Դանիել Խաչատրյանը ծնվել է 1955 թվականին Թբիլիսի քաղաքում։
1982 թվականին ավարտել է ԵՊՀ իրավաբանական ֆակուլտետը։ 1999 թվականին նշանակվել է ՀՀ Վերաքննիչ քաղաքացիական դատարանի դատավոր։










