Դիարբեքիրում պայթյուն է որոտացել. կա զոհ և վիրավորներ
Թուրքիայի հիմնականում քրդաբնակ Դիարբեքիր նահանգում պայթյուն է որոտացել, տեղեկացնում է Haber7 լրատվական կայքը։
Ըստ նախնական տեղեկությունների՝ պայթյունի հետևանքով վիրավորվել է 4 մարդ։ Հաղորդվում է 1 զոհի մասին։
Պայթյունը որոտացել է այն պահին, երբ ցուցարար քրդերի մի խումբ փակել է նահանգի հիմնական մայրուղիներից մեկը։
Համաձայն առկա տեղեկությունների՝ պայթել է գազի բալոնը, որը եղել է ակցիայի մասնակիցներից մեկի մոտ։
Հարուցվել է քրեական գործ։
Հիշեցնենք, որ քուրդ ցուցարարներն արդեն մի քանի շաբաթ է ցույցեր են կազմակերպում ընդդեմ զինվորական բլոկպոստերի տեղակայման։ Երեկ ցուցարարների և ոստիկանության միջև գրանցված բախումների հետևանքով 2 քուրդ ցուցարար էր սպանվել։










