Ադրբեջանցի զինյալները Սիրիայում պատռում են իրենց անձնագրերը (լուսանկար)
Սիրիայում կռվող ադրբեջանցի զինյալները զանգվածաբար պատռում են իրենց անձնագրերը, որոնք տրամադրվել են Ադրբեջանի պետական մարմինների կողմից։ Սոցցանցերում տարածված կադրերում տեսանելի են կտրտված ադրբեջանական անձնագրեր։
Ինչպես տեղեկացնում է haqqin.az-ը, լուսանկարը տեղադրվել է զինյալներից մեկի՝ Յահիա ալ Ազերիի անձնական էջում։
Հաղորդվում է, որ վերջինս Սիրիայում կռվող ադրբեջանցիների հրամանատարն է եղել և սպանվել է որոշ ժամանակ առաջ։ Ենթադրվում է, որ ներկայում նրա անձնական էջն օգտագործում է կինը։
Ադրբեջանական անձնագրերի ցուցադրական ոչնչացումը խոսում է այն մասին, որ ծայրահեղական իսլամիստները չեն ճանաչում Ադրբեջանը և հրաժարվում են քաղաքացիությունից՝ ցուցադրելով իրենց թշնամական վերաբերմունքն այդ երկրի հանդեպ, գրում է աղբյուրը։











