Ուկրաինայի նախագահը հրահանգել է հումանիտար միջանցք բացել երկրի արևելքում
Ուկրաինայի նախագահ Պյոտր Պորոշենկոն հրահանգել է հումանիտար միջանցք բացել Ուկրաինայի արևելքի բնակչության համար, հայտնում է Russia Today-ը:
Դա նշանակում է, որ Ուկրաինայի արևելքի այն տարածքների բնակչությունը, որտեղ մարտեր են ընթանում, կարող են հեռանալ:
Այս հարցով Պորոշենկոն հանդիպել է Ուկրաինայի Անվտանգության ծառայության ղեկավարի, ներքին գործերի նախարարի, պաշտպանության նախարարի և արտակարգ իրավիճակների պետծառայության ղեկավարի հետ:
Պորոշենկոյի գրասենյակի տարածած հաղորդագրության մեջ ասվում է, որ նախագահն այս քայլը ձեռնարկել է նոր զոհերից խուսափելու նպատակով, նա ուժային կառույցներին հանձնարարել է ստեղծել բոլոր պայմանները խաղաղ բնակչության համար, ովքեր ցանկանում են հեռանալ մարտական գործողությունների տարածքից:










