Ուրուգվայցին Facebook-ի շնորհիվ գտել է շանը՝ տնից 500 կմ հեռավորության վրա
Ուրուգվայի քաղաքացի Իգնասիո Էչիչուրին, ով մոտ 2 ամիս առաջ կորցրել էր «Նեգրո» մականունով իր շանը, կարողացել է Facebook սոցկայքի միջոցով գտնել սիրելի չորքոտանուն, որն այդ պահին տնից եղել է 500 կմ հեռավորության վրա։
Ինչպես նշում է РИА-Новости-ն, Էչիչուրին ամբողջությամբ հույսը կորցրել էր կենդանուն գտնելու հարցում, երբ պատահաբար նա տեսել է «Նեգրոյի» լուսանկարը սոցկայքի էջերից մեկում։
Հետագայում պարզվել է, որ շունը գտնվում է մի խումբ անգլիացի ֆուտբոլասերների մոտ, ովքեր որոշել են Արգենտինայից ոտքով հասել Բրազիլիա ու Facebook-ում պատմում են իրենց ուղևորության մասին։
Անգլիացիների ճանապարհն անցել է Ուրուգվայով, որտեղ էլ նրանք հանդիպել է շանն ու անվանել դրան «Ջեֆերսոն»։ Արդյունքում շունը ևս միացել է յուրօրինակ արշավին՝ խմբի հետ անցնելով 500 կմ տարածություն։
Ուրուգվայցին, ցանկանալով ետ վերադարձնել շանը, կապվել է խմբի հետ ու վերջապես վերամիավորվել սիրելի չորքոտանու հետ։










