Բարևներ Փսակիից. ԱՄՆ-ն Ռուսաստանի օրը շնորհավորել է՝ բարև հղելով «սիրված» ամերիկացի պաշտոնյայի կողմից
ԱՄՆ-ի պետքարտուղարությունը շնորհավորել է ռուսաստանցիներին Ռուսաստանի օրվա՝ գլխավոր պետական տոնի առիթով և կառույցի պաշտոնական ներկայացուցիչ Ջեն Փսակիի անունից բարև փոխանցել, հայտնում է Russia Today-ը:
«Ջեն Փսակին խնդրել է բոլորին բարևել: Շնորհավո՛ր Ռուսաստանի օրը», - Twitter-ում գրել է Փսակիի տեղակալ Մարի Հարֆը:
Աղբյուրը հիշեցնում է, որ Փսակին, իր բազմանշանակ ու երբեմն անհեթեթ հայտարարությունների բերումով, վերջին շրջանում ռուսաստանյան ԶԼՄ-ների և բլոգերների կողմից ակտիվորեն քննարկվող կերպար է:










