Հարավաֆրիկյան Հանրապետությունում ցուցարարները բողոքում են զուգարանների բացակայության դեմ

11:04 • 12.06.14

Հարավաֆրիկյան Հանրապետության ոստիկանությունը ցրել է ցուցարարներին, որոնք բողոքի են դուրս եկել Յոհանեսբուրգի արվարձանում՝ զուգարանների քիչ լինելու դեմ, տեղեկացնում է BBC-ի ռուսական ծառայությունը։

 

Ցուցարարներին ցրելու համար իրավապահները ռետինե փամփուշտներ և արցունքաբեր գազ են կիրառել։ Ոստիկանները պարզաբանել են, որ ցուցարարները հանել են իրենց տաբատներն ու հետույքներն են ցույց տվել անցնող մեքենաներին։

 

Մոտ 300 տներ ջրահեռացման համակարգին հասանելիություն չունենալու պատճառով զուգարաններ չունեն և ստիպված դույլեր են օգտագործում։

 

Անցյալ տարի Հարավաֆրիկյան Հանրապետության մարդու իրավունքների հարցերով հանձնաժողովը հայտարարել էր, թե պահպանվող «դույլային համակարգը» մարդու իրավունքների խախտում է համարվում։