Եգիպտոսը խնդրել է YouTube-ին հեռացնել Սիսիի երդմնակալության ժամանակ բռնաբարված կնոջ տեսանյութը
Եգիպտոսի իշխանությունները դիմել են հանրահայտ YouTube ժամանցային կայքին՝ խնդրելով կայքի տնօրինությանը հեռացնել երկրի նորընտիր նախագահ Աբդել Ֆաթահ ալ Սիսիի երդմնակալության ժամանակ բռնաբարված կնոջ տեսանյութը։
Ինչպես նշում է The Jerusalem Post-ը, տեսանյութում ցուցադրվում է, թե ինչպես են բռնաբարված մերկ կնոջը քարշ տալիս մայրաքաղաք Կահիրեի Թահրիր հրապարակով։
Տհաճ միջադեպը տեղի է ունեցել այս կիրակի, երբ հազարավոր եգիպտոսցիներ մասնակցել են նորընտիր նախագահի երդմնակալության առթիվ կազմակերպված տոնական միջոցառումներին։
Համացանցում ներբեռնվելուց հետո սկանդալային տեսանյութը վրդովմունքի մեծ ալիք է բարձրացրել ոչ միայն եգիպտական, այլև միջազգային մեդիադաշտում։ Հայտնի է, որ իրավապահներն արդեն 15-49 տարեկան 7 տղամարդու են ձերբակալել բռնաբարության իրականացման կասկածանքով։










