Ուկրաինացի ուժայինները գրավել են Մարիուպոլը

14:14 • 13.06.14

Ուկրաինայի ներքին գործերի նախարար Արսեն Ավակովը ֆեյսբուքյան իր էջում տեղեկացրել է, որ ուկրաինացի ուժայիններն իրենց հսկողության տակ են առել Դոնեցկի շրջանում գտնվող Մարիուպոլ քաղաքը։

 

Ինչպես նշում է Газета-ն, Ավակովը սոցկայքի իր էջում մասնավորապես գրել է.«Մարիուպոլի քաղաքային խորհրդի շենքին ծածանվում է ուկրաինական դրոշը»։

 

Ինչպես ավելի վաղ հայտնել էր Tert.am-ը, ներքին գործերի նախարարը հայտարարել էր, որ ուժայիններին հաջողվել է գրավել Մարիուպոլում անջատողականների բոլոր առանցքային հենակետերը։ Հաղորդվել է նաև 5 ռուսամետ անջատողականի մահվան դեպքի մասին։