Կալիֆոռնիայի ափերի մոտ ռուսական ռազմական օդանավեր են նկատվել
ԱՄՆ-ի Կալիֆոռնիայի նահանգի մոտ ռուսական ռմբակոծիչներ են նկատվել, հայտնում է Reuters-ը՝ վկայակոչելով ԱՄՆ-ի ուժային կառույցներին:
Ըստ ամերիկյան կողմի՝ շաբաթվա ընթացքում երկու ՏՈՒ - 95 օդանավեր են անցել ԱՄՆ-ի արևմտյան սահմանի մոտով՝ 50 կմ հեռավորությամբ:
Նրանց պետական պատկանելությունը պարզել են օդ բարձրացված ամերիկյան կործանիչները: Շեշտվում է, որ ռմբակոծիչները չեն խախտել ԱՄՆ-ի օդային տարածքը:
Առայժմ հայտնի չէ՝ արդյոք այս միջադեպի առնչությամբ Վաշինգտոնը պահանջներ կներկայացնի Մոսկվային, թե ոչ:










