Օբաման այցելել է հնդկացիներին ու իր ելույթով ստիպել նրանց արտասվել (լուսանկարներ)
ԱՄՆ-ի նախագահ Բարաք Օբաման իշխանության ղեկին գտնվելուց ի վեր առաջին անգամ կնոջ՝ Միշել Օբամայի հետ այցելել է բնիկ ամերիկացիների Indian Country բնակավայր՝ ցանկանալով բարելավել նրանց ու երկրի կառավարության միջև հարաբերությունները։

Երկրի առաջին զույգին Հյուսիսային Դակոտայում բնիկները դիմավորել են ազգային երգ ու պարով, գույնզգույն հանդերձներով։

Այնտեղ նախագահը բավական տպավորիչ ելույթ է ունեցել, որն անչափ հուզել է հավաքվածների մի մասին՝ ստիպելով նրանց արտասվել։ Նախագահն ընդգծել է, որ բնիկները պետք է շարունակեն ապրել, աշխատել ու ընտանիք կազմել իրենց պապերի երկրում։

Օբամայի ելույթից հետո նրան շրջապատել են երեխաներն ու ծնողները՝ գրկախառնվելով ղեկավարի հետ։

Աղբյուրը նկատում է, որ անցած 80 տարվա ընթացքում Օբաման 3-րդ նախագահն է, ով այցելել է այս բնակավայր։














