Ուկրաինական կոնֆլիկտի հետ կապված՝ Բավարիան պահանջում է գազի պետական պահուստ ստեղծել Գերմանիայում

13:48 • 16.06.14

Ուկրաինական կոնֆլիկտի հետ կապված՝ Բավարիան Գերմանիայի կառավարությունից պահանջում է բնական գազի պետական պահուստ ստեղծել, գրում է gazeta.ru-ն՝ հղում անելով Bloomberg գործակալությանը: Համապատասխան առաջարկն արել է էկոնոմիկայի բավարացի նախարար Իլզե Այգները:

 

Գազի պահուստի ստեղծման նպատակը Գերմանիան առնվազն 45 օր գազի անխափան մատակարարումով ապահովելն է: Գերմանիայի պատմության մեջ եղել է նման դեպք՝ կապված ռազմավարական նավթային պահուստի հետ: Գազային պահուստի ստեղծումը կարող է ավելացնել գազի ծախսերը չորս հոգուց բաղկացած ընտանիքի համար տարեկան 15-ից մինչև 40 եվրո:

 

«Մենք պետք է այնպես անենք, որ ռուսական բնական գազի մատակարարումից կախվածությունը չաճի»,- նախաձեռնությունը մեկնաբանել է Իլզե Այգները: