Սերգեյ Լավրովը հայտարարել է, որ այլևս մտադիր չէ շփվել Ուկրաինայի ԱԳ նախարարի հետ
ՌԴ ԱԳ նախարար Սերգեյ Լավրովը հայտարարել է, որ այլևս մտադիր չէ շփվել Ուկրաինայի ԱԳ նախարարի ժամանակավոր պաշտոնակատար Անդրեյ Դեշչիցայի հետ: Այս մասին հայտնում է ИТАР-ТАСС-ը:
«Դեշչիցային նայելով՝ մի լավ արտահայտություն եմ հիշում՝ «չես կարող խմել, մի′ խմիր»», - հայտարարել է ՌԴ արտաքին քաղաքականության գերտեսչության ղեկավարը:
Հիշեցնենք, որ շաբաթ Կիևում ՌԴ դեսպանության մոտ անկարգություններ են տեղի ունեցել: Աղբյուրի հաղորդմամբ՝ դեպքի վայր ժամանած Ուկրաինայի ԱԳ նախարար Անդրեյ Դեշչիցան անվայելուչ արտահայտություններ է արել ՌԴ ղեկավարության հասցեին:










