Պորոշենկոն խնդիր է դրել՝ ավարտել հակաահաբեկչական գործողությունը կարճ ժամկետներում
Ուկրաինայի Դոնեցկի և Լուգանսկի շրջաններում անցկացվող հակաահաբեկչական գործողությունն ավարտելու ամսաթվի մասին խոսելը վաղաժամ է, հայտարարել է Ուկրաինայի ազգային անվտանգության և պաշտպանության խորհրդի քարտուղար Անդրեյ Պարուբին, գրում է Интерфакс-Украина-ն:
«Կարող եմ միայն ասել այն, որ Ուկրաինայի նախագահը խնդիր է դրել՝ կարճ ժամկետներում լուծել այդ խնդիրները (հակաահաբեկչական գործողության դադարեցումը)»,- ասել է նա Կիևում երկուշաբթի տեղի ունեցած ճեպազրույցի ժամանակ։
Անդրեյ Պարուբիի խոսքով՝ Ուկրաինայի արևելքում հակաահաբեկչական գործողության ավարտի ամսաթիվ չի կարելի նշել նաև այն պատճառով, որ այնտեղ անցկացվում է «փաստացի մարտական գործողություն»:
Ազգային անվտանգության և պաշտպանության խորհրդի քարտուղարը նշել է, որ հակաահաբեկչական գործողության ընթացքում ուկրաինացի զինծառայողները ստիպված են բախվել մեծ դժվարությունների՝ ականապատ կամուրջներ, ճանապարհներ, գրոհայինների լավ զինված անցակետեր։










