Չինաստանում 3 մարդ մահապատժի է դատապարտվել Տյանանմենի ահաբեկչության համար
Չինական դատարանը մահվան է դատապարտել 3 մարդու, ովքեր մեղավոր են ճանաչվել Պեկինի կենտրոնական Տյանանմեն հրապարակում ահաբեկչություն իրականացնելու համար: Այս մասին հայտնում է Reuters-ը՝ վկայակոչելով Չինաստանի պետական հեռուստաընկերությանը:
Կառավարությունը կատարվածը կապել է իսլամիստ զինյալների հետ:
Եվս մեկ մարդ ցմահ ազատազրկման է դատապարտվել, մյուսները՝ 5-20 տարիների ազատազրկման:
Տյանանմենի ահաբեկչության ժամանակ 2 մարդ էր զոհվել, 40 հոգի վիրավորվել էր, երբ մեքենան ներխուժել էր ամբոխի մեջ:










