Արսեն Ավակովը հայտարարել է Ուկրաինայում ժամանակավոր հրադադարի մասին
Ուկրաինայի ներքին գործերի նախարար Արսեն Ավակովը հայտարարել է, որ ուժայինները դադարեցրել են կրակը Սեմյոնովկայի շրջանում՝ Սլավյանսկի մոտ, հայտնում է Russia Today-ը՝ վկայակաչելով պաշտոնյայի գրառումը Facebook-ում:
Նա նշել է, որ արդեն երկրորդ օրն է հրադադար է՝ նախագահի և վարչապետի հրահանգով:
Ավակովն ասել է, որ ժամանակավոր հրադադարի նպատակն է թույլ վերանորոգում իրականացնել և վերականգնել Դոնբասի քաղաքների ջրամատակարարումը, որը դադարեցվել էր մեկ շաբաթ առաջ «Հյուսիսային Դոնեցկ - Դոնբաս» ջրատարի պոմպակայանի գնդակոծության հետևանքով:.
Նա հերքել է նաև պնդումները, թե ուկրաինացի ուժայինները ֆոսֆորային ռումբեր են կիրառում:










