Կոպենհագենը հերթական անգամ ապրելու համար լավագույն քաղաքն է ճանաչվել
Հեղինակավոր Monocle ամսագիրն աշխարհում ապրելու համար լավագույն քաղաքների ավանդական վարկանշային ցուցակ է կազմել: Այս մասին հղորդում է Росбалт.ru-ն:
Առաջին պատվավոր հորիզոնականում արդեն երկրորդ տարին անընդմեջ հայտնվում է Դանիայի մայրաքաղաք Կոպենհագենը: Փորձագետներն ի թիվս քաղաքի այլ արժանիքների՝ նշում են նրա լիբերալ մթնոլորտը, հետաքրքիր ճարտարապետությունը և շատ լավ աշխատող հասարակական տրանսպորտը:
Վարկանշային աղյուսակում երկրորդ տեղը Տոկիոն է զբաղեցրել, երրորդը՝ Մելբուրնը, չորրորդը՝ Ստոկհոլմը: Ընդհանուր վարկանշային ցուցակը բաղկացած է աշխարհի 25 քաղաքից, որոնցում կյանքի լավագույն որակն են ապահովում:
Բնակության համար լավագույն քաղաքների արժեքավոր հատկանիշներից են՝ առողջապահության անվտանգությունը, կրթություն ստանալու հնարավորությունները, հանդուրժողականությունը, էկոլոգիան և գործարարության հիմունքների պարզությունը:










