Չինաստանում ջրհեղեղից մոտ 60.000 մարդ է տուժել
Չինաստանի կենտրոնական Հունան նահանգում մոտ 57.500 մարդ է տուժել ջրհեղեղների հետևանքով, հայտնում է Lenta-ն՝ վկայակոչելով ջրհեղեղների և երաշտի վերահսկման տեղական ծառայությանը:
Նշվում է, որ ջրհեղեղները վնաս են հասցրել նաև բերքին՝ 4,6 հազար հեկտար տարածքով արտերում: Հուայհուա քաղաքում խաթարվել է տրանսպորտի, էլեկտրահաղորդման լարերի աշխատանքը, վնասվել են տեղի տներն ու ջրամբարները:
Իսկ տեղումներն այս շրջանում չեն դադարի և կշարունակվեն մինչև հունիսի 19-ը, նախազգուշացրել են օդերևութաբանները:










