Մեծ Բրիտանիայի թագավորական ընտանիքը մասնակցել է ավանդական Royal Ascot 2014 ձիարշավին (լուսանկարներ)
Բրիտանական թագավորական ընտանիքի անդամները մասնակցել են Ասկոտ բնակավայրում յուրաքանչյուր տարի անցկացվող ձիարշավին, գրում է nydailynews.com-ը։
Ձիարշավն այս տարի մեկնարկել է հունիսի 17-ին։ Ամեն տարի այստեղ հավաքվում է մոտ 500.000 մարդ, այդ թվում՝ թագավորական ընտանիքի բոլոր անդամները՝ Էլիզաբեթ 2-րդ թագուհու ղեկավարությամբ, ով երբեք բաց չի թողնում այդ միջոցառումը։ Ձիարշավին մասնակցում են նաև արիստոկրատիայի ներկայացուցիչներ ամբողջ աշխարհից, նշում է hellomagazine.com-ը։
Ասկոտի թագավորական ձիարշավն արդեն ավելի քան 300 տարեկան է։ Առաջին անգամ այն անցկացվել է 1711-ին՝ Աննա թագուհու նախաձեռնությամբ, ով Բրիտանական միացյալ թագավորության առաջին տիրուհին է եղել և Սթյուարտների տոհմի վերջին ներկայացուցիչը։








































