Ադրբեջանը բանակցում է «Ռոսօբորոնէքսպորտ»-ի հետ
Ադրբեջանի պաշտպանության նախարար Զաքիր Հասանովն ընդունել է ՌԴ Ռազմատեխնիկական համագործակցության դաշնային ծառայության տնօրեն Ալեքսանդր Ֆոմինին և «Ռոսօբորոնէքսպորտ»-ի տնօրեն Անատոլի Իսայկինին։
Ինչպես տեղեկացնում է Trend գործակալությունը, հանդիպման ընթացքում Հասանովը կարևորել է տարածաշրջանային անվտանգության հարցում երկու պետությունների հատուկ ներդրումը։
Անդրադառնալով տարածաշրջանի ռազմաքաղաքական իրավիճակին՝ Հասանովն ընդգծել է, որ «հայ-ադրբեջանական հակամարտությունը տարածաշրջանի կայունության հիմնական սպառնալիքն է»։
Ռուս հյուրերն իրենց հերթին գոհունակություն են հայտնել ջերմ ընդունելության համար և խոսել են տարբեր ոլորտներում Ռուսաստանի և Ադրբեջանի միջև համագործակցության հեռանկարների մասին։
Հետո կայացել է տեսակետների փոխանակում՝ ռուս-ադրբեջանական կապերի, ռազմատեխնիկական և այլ ոլորտներում փոխադարձ հետաքրքրություն առաջացնող հարցերի շուրջ։










