Ասանժը պատմել է, որ իրեն խոշտանգել են բրիտանական բանտում

09:58 • 20.06.14

WikiLeaks սկանդալային կայքի հիմնադիր Ջուլիան Ասանժը հայտարարել է, որ բրիտանական բանտերից մեկում խոշտանգումների է ենթարկվել, հայտնում է gazeta.ru-ն:

Ըստ Ասանժի՝ դա տեղի է ունեցել մինչ Լոնդոնում Էկվադորի դեսպանատանն ապաստան ստանալը։

 

«Ինձ ձերբակալել էին առանց մեղադրանքի, պարզապես ձերբակալել էին, հինգ օր առանց մեղադրանք ներկայացվելու եմ մնացել Մեծ Բրիտանիայի ահավոր բանտերից մեկում: Իմ առողջական վիճակը շատ վատ էր, ոտքերս հոսանքահարում էին», - մասնավորապես ասել է Ասանժը:

 

Նա նաև շնորհակալություն է հայտնել Էկվադորի ժողովրդին իրեն սատարելու՝ «դիմադրության և հավատարմության համար»:

 

Նախանցած տարվա հունիսից Ասանժը Լոնդոնում Էկվադորի դեսպանատանն է մնում: Նա մեղադրվում է սեռական բնույթի հանցագործությունների համար։