Ադրբեջանական բանակում կրակոցներ են հնչել. կան զոհեր
Ադրբեջանական բանակում զինծառայողը կրակ է բացել երկու ծառայակցի վրա, որոնցից մեկը մահացել է, մյուսը՝ վիրավորվել, ինչից հետո կրակ բացած զինվորն ինքնասպան է եղել, գրում է haqqin.az-ը:
Ադրբեջանի պաշտպանության նախարարության մամուլի ծառայության հաղորդմամբ՝ դեպքը տեղի է ունեցել «N» զորամասում՝ ժամը 06:45-ին:
Զինվոր Ագաքիշիևը կրակ է բացել ինքնաձիգից և սպանել իր ծառայակից Աբդուլլաևին: Ծանր վնասվածք է ստացել մեկ այլ զինծառայակից Ահմեդովը: Դրանից հետո Ագաքիշիևն ինքնասպան է եղել:
Վիրավոր զինվոր Ահմեդովին ցուցաբերվել է առաջին բուժօգնություն, և նա հոսպիտալացվել է: Նրա վիճակը գնահատվում է որպես ծանր:
Զինվորական դատախազությունը սկսել է քննել դեպքերը։










