Իսպանացին վիճակախաղով 137.313.501 եվրո է շահել

09:44 • 20.06.14

Տասնյակ միլիոնավոր մասնակիցներից մի իսպանացու, ում ինքնությունը չի նշվում, հաջողվել է վիճակախաղում ջեք փոթ շահել՝ մի ակնթարթում նրան դարձնելով միլիոնատեր։

 

Ինչպես նշում է Euromag-ը, տղամարդը հանրահայտ Euro Millions վիճակախաղի շրջանակներում շահել է 137.313.501 եվրո։

 

Աղբյուրը մանրամասնում է, որ Euro Millions-ին մասնակցում է 9 երկիր՝ Ֆրանսիան, Մեծ Բրիտանիան, Իսպանիան, Լյուքսեմբուրգը, Բելգիան, Շվեյցարիան, Պորտուգալիան, Իռլանդիան ու Ավստրիան։

 

Ըստ վիճակագրական տվյալների՝ առավել հաճախ բախտը ժպտում է ֆրանսիացիներին։