ԱԺ–ի դիմաց ակցիայի մասնակիցները մանրադրամներ են նետել նախարարների ուղղությամբ
Ազգային ժողովի շենքի մոտ բողոքի ակցիա իրականացնող կուտակային կենսաթոշակների ստեղծված պայքարող «Դ!ԵՄ ԵՄ» նախաձեռնության անդամներն ու մի խումբ մանկավարժներ այսօր մանրադրամներ նետեցին ՀՀ աշխատանքի ու սոցիալական հարցերի նախարար Արտեմ Ասատրյանի և կրթության և գիտության նախարար Արմեն Աշոտյանի ուղղությամբ:
Ուսուցիչներին վրդովված են նրանից, որ պետական աշխատողների հուլիսի 1-ից աշխատավարձերի բարձրացումը իրենց չի վերաբերելու, իսկ նախաձեռնության ակտիվիստները դրսում տեղեկացել էին, որ ԱԺ-ում 67 կողմ ձայնով առաջին ընթերցմամբ ընդունվել է «Կուտակային կենսաթոշակային համակարգի» նոր նախագիծը՝ «Նպատակային սոցիալական վճարի մասին» օրենքը:
Բողոքի ակցիայի մասնակիցները նախարարներին դիմավորեցին և ճանապարհեցին «Ամոթ, թալանչի, Թալեաթ» վանկարկումներով:










