Մահմուդ Աբասը կարող է մասնակցել Պաղեստինի նախագահական ընտրություններին
Պաղեստինի ազգային վարչակազմի ղեկավար Մահմուդ Աբասը կարող է մասնակցել նախագահի սպասվող ընտրություններին: Այդ մասին հայտարարել է ՖԱԹՀ շարժման կենտրոնական կոմիտեի անդամ, Մերձավոր Արևելքի հարցերով ռուս-պաղեստինյան հանձնաժողովի համանախագահ Նաբիլ Շաասը, գրում է Russia Today-ը:
«Նա մի քանի անգամ հայտարարել է չվերընտրվելու, հանգստի գնալու իր մտադրության մասին, բայց ամեն ինչ կախված կլինի քաղաքական իրավիճակից»,- ասել է Շաասը:
Ապրիլի վերջին ՖԱԹՀ և ՀԱՄԱՍ շարժումները պայքարը հաղթահարելու մասին համաձայնագիր էին ստորագրել, որը ենթադրում է միասնական կառավարության ստեղծում և համընդհանուր ընտրությունների շուտափույթ կազմակերպում։










