8 մագնիտուդ ուժգնությամբ երկրաշարժից հետո Ալյասկայում ցունամիի վտանգ է հայտարարվել

12:22 • 24.06.14

Ալյասկայի արևմտյան առափնյա հատվածում տեղի է ունեցել 8 մագնիտուդ ուժգնությամբ երկրաշարժ, ինչից հետո տեղի իշխանությունները հայտարարել են ցունամիի վտանգի մասին ու, անվտանգության նկատառումներից ելնելով, տարհանել բնակիչների մի մասին։

 

Ինչպես նշում է The Guardian-ը, երկրաշարժի էպիկենտրոնից 322 կմ դեպի արևմուտք մասնագետներն արձանագրել են ցունամիի առաջացման նախանշաններ։

 

Այժմ տարհանված 300 հոգին գտնվում է Ադակ քաղաքի հարևանությամբ եղած բլուրներից մեկի վրա։ Աղբյուրը հավելում է, որ փլուզումների ու տուժածների մասին դեռևս տեղեկություններ չկան։