ԵԽԽՎ-ում Ալիև կրտսերի պահվածքն ագրեսիվ է, ցինիկ ու էթիկայից զուրկ. Նաիրա Կարապետյան

16:22 • 25.06.14

Ստրասբուրգում մեկնարկած ԵԽԽՎ ամառային նստաշրջանի աշխատանքները սկսեցին բավական լարված, քանի որ Ադրբեջանի պատվիրակությունն իր հայտարարություններով ամեն ինչ անում էր, որպեսզի Հայաստանին զրկի ձայնի իրավունքից: Tert.am-ի հետ զրույցում այս մասին ասաց ԵԽԽՎ-ում ՀՀ Ազգային ժողովի պատվիրակության անդամ Նաիրա Կարապետյանը՝ նշելով սակայն, որ Հայաստանի պատվիրակության կողմից զուգահեռաբար կատարվում է համապատասխան աշխատանք՝ Եվրոպայի պատգամավորների սթափությունը պահպանելու համար:


«Ալիև կրտսերի պահվածքը կարճ բնութագրվում է հետևյալ կերպ՝ ագրեսիվ, ցինիկ, ստախոս և էթիկայից զուրկ»,- ասաց Նաիրա Կարապետյանը՝ շարունակելով, թե դա խոսում է թուլության և ամենաթողության մասին:


ԵԽԽՎ-ում հայաստանյան պատվիրակության անդամն ասաց նաև, որ աշխատանքային առաջին երկու օրերը ծանր են եղել՝ պայմանավորված Ադրբեջանի նախագահի բոցաշունչ և ստահոդ ելույթներով ու եվրոպացիների կողմնակալ դրսևորումներով. «Սակայն, մեր պատվիրակության անդամները ևս որդեգրել են ակտիվ աշխատաոճ բոլոր հարթակներում»,- հաղորդեց Նաիրա Կարապետյանը: