Եթե փորձեին ռինգում կծել ինձ, ապա մրցակցին կզրկեի ատամներից. Կլիչկո

14:08 • 26.06.14

Պրոֆեսիոնալ բռնցքամարտի գերծանր քաշային կարգում WBA, IBF, WBO, IBO, The Ring վարկածներով աշխարհի չեմպիոն ուկրաինացի Վլադիմիր Կլիչկոն նշել է, որ ռինգում իրեն կծելու դեպքում մրցակցին կզրկի ատամներից:


-Դիտել եմ աշխարհի առաջնությունում Սուարեսի դրվագը: Դա սարսափելի է: Նման բան եղավ բռնցքամարտում, երբ Մայք Թայսոնը կծեց Էվանդեր Հոլիֆիլդի ականջը:


Եթե ռինգում մրցակիցը որոշեր կծել ինձ, ապա կզրկեի նրան ատամներից: Ի ուրախություն ինձ, բռնցքամարտում նման բանի համար չեն հեռացնում, - Կլիչկոյի խոսքերը մեջբերում է Sovsport-ը:


Հիշեցնենք, որ 2014-ի Աշխարհի առաջնության Իտալիա-Ուրուգվայ (0:1) խաղում հարավամերիկացիների հարձակվող Լուիս Սուարեսը կծել է պաշտպան Կելինիի ուսը: