Ուկրաինայի նախագահը 72 ժամով երկարաձգել է հրադադարի ժամկետը
Ուկրաինայի նախագահ Պյոտր Պորոշենկոն որոշում է կայացրել երկարաձգել երկրի արևելքում սահմանված հրադադարի ժամկետը, տեղեկացնում է РИА Новости-ն՝ France Presse գործակալությանը հղումով։
Այդ մասին գործակալությանը հայտնել է եվրոպացի դիվանագիտական մի աղբյուր։
«Նախագահ Պորոշենկոն առաջարկել է 72 ժամով երկարաձգել հրադադարի ժամկետը»,-ասել է աղբյուրը։
Հրադադարի ժամկետը լրանում է այսօր, որի շուրջ համաձայնության էին եկել ուկրաինական իշխանություններն ու ինքնահռչակ Դոնեցկի և Լուգանսկի Հանրապետությունները։










