Բրազիլիայում անգլիացի մեկնաբանը փողոցային հանցագործի է բռնել ու հանձնել ոստիկանությանը (լուսանկարներ)
Բրազիլիայում, որտեղ անցկացվում է Ֆուտբոլի աշխարհի առաջնությունը, անգլիացի նախկին ֆուտբոլիստ, իսկ այժմ Sky Sports հեռուստաալիքի մեկնաբան Քրիս Կամարային հաջողվել է բռնել փողոցային ավազակի, հայտնում է lenta.ru-ն։
56-ամյա Քրիսը մարզական կարիերան ավարտել է գրեթե 20 տարի առաջ։ «Լիդս» և «Պորտսմութ» խմբերի նախկին կիսապաշտպանը, դառնալով փողոցային գողության ականատես, հետապնդել է հանցագործին, բռնել և հանձնել ոստիկանությանը։
Բրազիլիայի իրավապահ մարմինները պարբերաբար զգուշացնում են զբոսաշրջիկներին երկրում հանցավորության բարձր մակարդակի մասին։ Ռիո դե Ժանեյրոյի ոստիկանությունը նույնիսկ խորհուրդներով հատուկ թռուցիկներ է թողարկել։
















