Սան Ֆրանցիսկոյում ինքնասպաններից «Ոսկե դարպասներ» կամուրջը պաշտպանելու համար կծախսվի 76 մլն դոլար

09:58 • 28.06.14

Սան Ֆրանցիսկոյի քաղաքային իշխանությունները որոշում են կայացրել 76 միլիոն դոլար հատկացնել ինքնասպաններից «Ոսկե դարպասներ» կամուրջը պաշտպանելու համար, գրում է gazeta.ru-ն՝ հղում անելով Associated Press-ին:

 

Կամրջի վրա կտեղադրվի հատուկ ցանց, որը թույլ կտա կանխել ինքնասպանությունների թվի աճը: Ցանկապատումն ամբողջությամբ կտեղադրվի մինչ 2018թ.։

 

Պողպատե ցանցը կտեղադրվի կամրջի հիմնական կոնստրուկցիայի տակ՝ 6 մետր տարածության վրա:

 

«Ոսկե դարպասներ» կամուրջն աշխարհի ամենաճանաչելի կամուրջներից է: Այն ամենամեծ կախվող կամուրջն է եղել 1937 թվականին իր բացումից մինչև 1964 թվականը: Կամրջի ընդհանուր երկարությունը 2.737 մետր է: