Հալեպում իրավիճակը հանդարտ չէ, իսկ կենցաղային դժվարություններն ավելի են խորացել

09:04 • 30.06.14

Հալեպում շարունակվում են կենցաղային դժվարությունները։


Հալեպի «Գանձասար» պարբերականի ֆեյսբուքյան էջը գրում է, որ ջրի և էլեկտրաէներգիայի տագնապը շարունակվում է, իսկ օդի ջերմաստիճանը հասնում է 40 աստիճանի։


Անվտանգության վիճակը ևս չի բարելավվել։
 

Զինյալ խմբավորումների կողմից արձակվող հրասանդերի արկերն ու հրթիռները շարունակում են վտանգի մեջ պահել քաղաքի խաղաղ բնակչության կյանքը։


Ջրի հարցը հիմնականում լուծվում է եկեղեցիների, դպրոցների, մզկիթների բակերում փորված հորերից ջուր հանելով և տարաներով տեղափոխելով, սակայն այդ ջուրը խմելու համար պիտանի չէ և օգտագործվում է բացառապես կենցաղային նպատակներով։


Իսկ անտանելի շոգի պայմաններում էլեկտրաէներգիայի բացակայության պատճառով չեն աշխատում նաև օդափոխիչները։