Թբիլիսիի նախկին քաղաքապետը քրեական պատասխանատվության կենթարկվի
Թբիլիսիի նախկին քաղաքապետ, «Միացյալ ազգային շարժում» կուսակցության նախընտրական շտաբի ղեկավար Գեորգի Ուգուլավան քրեական պատասխանատվության է ենթարկվելու բյուջեի գումարների մսխումների համար, տեղեկացնում է gazeta.ru-ն։
Նախկին քաղաքապետը կասկածվում է 1 մլն 86 հազար 718 լարի (մոտ 614 հազար դոլար) մսխելու համար։ Ներկայացված մեղադրանքը նախատեսում է 7-11 տարվա ազատազրկում։
Նշվում է, որ Ուգուլավան արդեն մի քանի քրեական գործերի մեջ է ներքաշված՝ ֆինանսական հանցագործությունների գործերով։










