Ֆրանսիայում ավելի քան 30 ամուսնություն անվավեր է ճանաչվել

00:40 • 01.07.14

Ֆրանսիայում տասնյակ զույգեր ստիպված կլինեն ամուսնության համար կրկին դիմել համապատասխան մարմիններին: Այս մասին հաղորդում է ria.ru-ն՝ հղում կատարելով The Local-ին:

Ֆրանսիական օրենքների համաձայն՝ ամուսնության արարողությունը չի կարող անցկացնել անձը, ով Ֆրանսիայի քաղաքացիություն չունի:

Սակայն ֆրանսիական Onet-sous-Bois արվարձանում վերջին մեկ տարվա ընթացքում Պորտուգալիայի քաղաքացիություն ունեցող խորհրդական Մարիո դե Օլիվեյրան 30 ամուսնություն է արձանագրել:

Ամուսնությունների անօրինականությունն արդեն հաստատել է երկրի կառավարությունը:
«Բոլոր այդ ամուսնությունները անօրինական են և պետք է չեղյալ համարվեն»,-նշել է քաղաքապետը: