Ճամբար՝ ինտերնետից կախվածություն ունեցողների համար (լուսանկարներ)
Չինաստանում գոյություն ունի մի քանի հարյուր ուղղիչ հաստատություն 13-18 տարեկան անչափահասների համար, ովքեր տառապում են ինտերնետ կախվածությունից, որը երկրում հոգեկան հիվանդություն է ճանաչվել: «Коммерсант»-ը ներկայացրել է ռազմական տիպի ճամբարների և վերականգնման ոչ միանշանակ մեթոդների մասին ֆոտոշարք:
2008 թվականին Չինաստանը դարձավ աշխարհում առաջին երկիրը, որը ինտերնետային կախվածությունը ճանաչեց հոգեկան հիվանդություն: Վերջին տվյալներով՝ Չինաստանում մոտ 24 միլիոն երիտասարդ համացանցում անցկացնում է օրական առնվազն վեց ժամ: Նման «ինտերնետային թմրամոլների» վերականգնման համար ողջ երկրով մեկ ստեղծվել է մի քանի հարյուր ուղղիչ հաստատություն, որոնք ավելի շատ հիշեցնում են ռազմական տիպի ճամբարներ, որտեղ անչափահասներին 3-4 ամիսների ընթացքում բուժում են հյուծող ֆիզիկական վարժություններով, հոգեբանների խորհրդակցություններով և դեղերով: Նման ճամբարների հակառակորդների կարծիքով՝ բուժման մեթոդները բավականին կասկածելի են, հատկապես անչափահասների հետ դաժան վարվելակերպի և անգամի մի քանի մահվան դեպքերի մասին հաղորդումներից հետո:


























