Սարկոզին քաղաքական դրդապատճառներ է տեսնում իր գործում
Ֆրանսիայի նախկին նախագահ Նիկոլա Սարկոզին, ով իր ազդեցությունը չարաշահելու և կոռուպցիայի համար է մեղադրվում, իր դեմ գործում քաղաքական դրդապատճառներ է տեսնում, հայտնում է BBC-ն:
Նա մասնավորապես ասել է, որ ֆրանսիական արդարադատությունը օգտագործվում է քաղաքական նպատակներով: Բուն գործը նա անվանել է՝ այլանդակ: Գործի հարուցումը, ըստ Սարկոզիի, նպատակ ունի ստորացնել իրեն և արատավորել իր հեղինակությունը:
Սարկոզին հայտարարել է, որ ոչ մի ապօրինի բան չի արել:
Երեքշաբթի օր Սարկոզին ձերբակալվել էր, հարցաքննվել՝ կոռուպցիոն մեղադրանքներով: Սա առաջին նման դեպքն է համարվում, որում մեղադրյալը Ֆրանսիայի նախկին նախագահն է:
Սարկոզին մտադիր է նախագահի պաշտոնում առաջադրվել 2017-ի ընտրություններին։










