Ուժգին քամին և անձրևը վնասներ են հասցրել Ախալցխայում
Վրաստանի Ախալքալաքի մարզում երեկ հորդառատ անձրևների հետևանքով վնասվել են ենթակառուցվածքները. տեղեկացնում է Новости-Грузия գործակալությունը։
Ուժգին քամին Ախալցխա քաղաքում քշել է 5 հարկանի շինության տանիքը, ինչի հետևանքով ջրով են լցվել մի քանի բնակարաններ։
Տեղացած հորդառատ անձրևների հետևանքով լեռներից հոսք է եղել և փակել է կենտրոնական ճանապարհը, դադարեցվել է մեքենաների երթևեկությունը։
Մաքրման աշխատանքներին մասնակցել է հատուկ տեխնիկա, և որոշ ժամանակ անց հաջողվել է բացել ճանապարհը։
Մոտ կես ժամ տեղացած հորդառատ անձրևի հետևանքով Թբիլիսիում ևս վնասներ են գրանցվել։










