Ուկրաինան մտադիր է փակել Ղրիմի նավահանգիստները միջազգային նավագնացության համար

14:04 • 07.07.14

Ուկրաինան մտադիր է միջազգային նավագնացության համար Ղրիմի տարածքում գտնվող նավահանգիստները փակել, գրում է ИТАР-ТАСС-ը՝ հղում անելով ենթակառուցվածքի ուկրաինական նախարարության մամուլի ծառայությունը:


Ինչպես հայտնել են նախարարությունում՝ «Հունիսի 24-ին արդարադատության նախարարությունում գրանցված «Նավահանգիստները փակելու մասին» հունիսի 16-ի համապատասխան հրամանը ուժի մեջ կմտնի պաշտոնապես հրապարակվելուց հետո»:


Հրամանը կվերաբերվի Եվպատորիայում, Կերչում, Սևաստոպոլում, Թեոդոսիայում և Յալթայում գտնվող նավահանգիստներին:


Ուկրաինան մայիսին հայտնել էր Միջազգային ծովային կազմակերպությանը (IMO), որ պատրաստում է Ղրիմի նավահանգիստները փակելու մասին որոշում: