Պաղեստինցի արմատականները մի քանի օրվա ընթացքում ավելի քան 100 հրթիռ են արձակել Իսրայելի ուղղությամբ

18:40 • 08.07.14

Պաղեստինցի արմատականները մի քանի օրվա ընթացքում Գազայի հատվածի տարածքից ավելի քան 100 հրթիռ են արձակել Իսրայելի ուղղությամբ: ИТАР-ТАСС-ի փոխանցմամբ՝ այս մասին այսօր հաղորդել է Իսրայելի Պաշտպանության բանակի մամլո ծառայությունը: 

Պաշտպանության բանակի տվյալներով՝ «Երկաթյա գմբեթ» հակաօդային պաշտպանության համակարգը 5 հրթիռ է հայտնաբերել Աշդոդ (200 000 բնակչությամբ) և Աշկելոն (100 000 բնակչությամբ) քաղաքների օդային տարածում, ինչպես նաև 2 հրթիռ՝ Բեեր-Շևա քաղաքում (200 000 բնակչությամբ): 

Իսրայելի Երկաթուղային կայարանների վարչությանը երեքշաբթի հրահանգվել է դադարեցնել երկաթուղային հաղորդակցությունը Աշդադ և Աշկելոն քաղաքների միջև: Այս որոշումը կայացվել է օդային տագնապից հետո, որը ազդարարվել էր Գազայի հատվածից հրթիռների արձակումից հետո:

Գազայի հատվածից եկող հրթիռային ռմբակոծության պատճառով բուժօգնության է դիմել 9 իսրայելցի:

Ընդհանուր առմամբ, 12 ժամում Գազայի հատվածում իսրայելական ռազմական գործողությունների սկսվելու պահից ի վեր առնվազն 5 պաղեստինցի է զոհվել, ևս 30-ը՝ տարբեր աստիճանի վնասվածքներ ստացել: