Վրաստանն ահազանգում է. ՌԴ ուղղաթիռը խախտել է օդային տարածքը

16:17 • 10.07.14

Վրաստանի արտգործնախարարությունը հայտարարել է ռուսական ուղղաթիռի կողմից երկրի օդային տարածքը խախտելու մասին, գրում է «Новости-Грузия»-ն:


Ռուսական ուղղաթիռը նկատվել է հինգշաբթի օրը՝ հուլիսի 10-ին Վրաստանի Կասպիի շրջանի Մեջվրիսխևի և Սակորինտո գյուղերի վրա: Այդ մասին հայտնել է Վրաստանի ներքին գործերի նախարարության մամուլի ծառայությունը:


Նախարարության տվյալներով՝ ռուսական ուղղաթիռը խախտել է Վրաստանի օդային տարածքը տեղի ժամանակով ժամը11:00-ին՝ Ցխինվալի շրջանի (Հարավային Օսեթիա) հետ վարչական սահմանի մոտ, ինչից հետո հեռացել է Ցխինվալիի ուղղությամբ:


«Ռուսական ուղղաթիռը խախտել է օդային տարածքը, որը վերահսկում են Վրաստանի կենտրոնական իշխանությունները: Թեժ գծով մենք տեղեկացրել ենք ԵՄ առաքելությանը, ռուսական կողմին և Ցխինվալիի դե-ֆակտո իշխանություններին»,- հայտնել է նախարարության ներկայացուցիչը:


Ավելի վաղ հաղորդվել էր, որ վերջին օրերի ընթացքում ՌԴ 6 ուղղաթիռներ խախտել են Ուկրաինայի օդային տարածքը: