Ոսպով ապուրի պատճառով կնոջը սպանած պակիստանցին 18 տարվա ազատազրկման է դատապարտվել
Բրուքլինի գերագույն դատարանը 18 տարվա ազատազրկման է դատապարտել ծագումով պակիստանցի Նուռ Հուսեյնին, ով սպանել է իր կնոջը ՝ ոսպով ապուրի պատճառով։
Ինչպես նշում է Al Arabiya-ն, 75-ամյա տղամարդը հանցանքը գործել է Նյու Յորք քաղաքում, երբ պարզել է, որ նախապես պատվիրած այծի մսով ճաշի փոխարեն կինը ոսպ է պատրաստել։
Տղամարդն ինքը դատարանում խոստովանել է, որ կնոջը փայտով ծեծելու միակ պատճառը եղել է ուտելիքը։ Նշվում է, որ պակիստանցին 66-ամյա Նազարին (ազգանունը չի նշվում) 20-ից ավելի հարված է հասցրել։
Ենթադրվում է, որ տարեց հանցագործը մինչև կյանքի վերջ կմնա ճաղերի հետևում։










