Մեծ Բրիտանիայի մոտ մեկ միլիոն պետծառայող գործադուլ է հայտարարել ցածր աշխատավարձերի պատճառով
Մեծ Բրիտանիայում մոտ մեկ միլիոն պետծառայող գործադուլի է դուրս եկել աշխատավարձերի վճարման պայմանների պատճառով, հաղորդում է ИТАР-ТАСС-ը:
Նրանք պահանջում են աշխատավարձերի բարձրացում, որոնք «սառեցվել են» արդեն չորրորդ տարին անընդմեջ կառավարության կողմից իրականացող խիստ բյուջետային տնտեսության հետևանքով: Լոնդոնում անցկացվում է զանգվածային ցույց, քաղաքի փողոցները փակ են, մարդիկ վանկարկում են իշխանությունների քաղաքականությունը քննադատող կարգախոսներ:
Նմանատիպ բողոքի ակցիաներ են անցկացվում նաև երկրի շատ այլ խոշոր քաղաքներում: Գործադուլին մասնակցում են նաև իշխանության կենտրոնական և տեղական մարմինների, սոցիալական ապահովության, արդարադատության և կրթության ոլորտների աշխատակիցներ, աղբահավաքներ, հարկային տեսուչներ, հրշեջներ:










