Բակո Սահակյանն ընդունել է Տարոն Մարգարյանին

12:51 • 11.07.14

Արցախի Հանրապետության Նախագահ Բակո Սահակյանը հուլիսի 11-ին ընդունել է Երևանի քաղաքապետարանի պատվիրակությանը` քաղաքապետ Տարոն Մարգարյանի գլխավորությամբ:

Այս մասին հայտնում են ԼՂՀ Նախագահի աշխատակազմի տեղեկատվության գլխավոր վարչությունից։

Հանդիպմանը քննարկվել են հայկական երկու մայրաքաղաքների միջև կապերի հետագա խորացմանը և ընդլայնմանը վերաբերող հարցեր:

Նախագահ Սահակյանի բնութագրմամբ` Երևան քաղաքի և նրա վարչական շրջանների հետ համագործակցությունը շոշափելի դրական ազդեցություն է ունենում և Ստեփանակերտի, և ամբողջ Արցախի զարգացման գործընթացի վրա:

Քննարկվել են նաև մի շարք համատեղ ծրագրերի իրականացման, այդ թվում` Ստեփանակերտում Ազատամարտիկների այգու կառուցման հետ կապված խնդիրներ:

Հանդիպմանը ներկա են եղել ԼՂՀ փոխվարչապետ Արթուր Աղաբեկյանը, Ստեփանակերտի քաղաքապետ Սուրեն Գրիգորյանը, պաշտոնատար այլ անձինք: