Անգելա Մերկելը հերքել է լուրերը, թե վաղաժամ հրաժարական է տալու

11:04 • 14.07.14

Գերմանիայի կանցլեր Անգելա Մերկելը մտադիր չէ վաղաժամ հրաժարական տալ: Կիրակի օրը երեկոյան Գերմանական հասարակական-իրավական հեռուստատեսության երկրորդ հեռուստաալիքի եթերում տված հարցազրույցում Մերկելը հայտարարել է, որ կզբաղեցնի Գերմանիայի կառավարության ղեկավարի պաշտոնը մինչև 2017 թվականին լիազորությունների ժամկետի ավարտը, գրում է ИТАР-ТАСС-ը:


«Ցանկություն կա լավ աշխատել ողջ ընթացիկ օրենսդիր մարմնի ընթացքում, իսկ այնուհետև կտեսնենք»,- ընդգծել է նա:


Այդկերպ՝ կանցլերը հերքել է մի շարք ԶԼՄ-ներում հայտնված տեղեկությունը իր վաղաժամ հրաժարականի մասին:


Մերկելը նաև բացասական է պատասխանել հարցին, թե արդյո՞ք նա մտադիր է զբաղեցնել ՄԱԿ-ի գլխավոր քարտուղարի պաշտոնը: «Նման բան հաստատ տեղի չի ունենա»,- ասել է կանցլերը:


Հարցին, թե ինչ կցանկանար ինքն իրեն ծննդյան օրվա կապակցությամբ, Մերկելն ասել է, որ կցանկանար «մնալ առողջ և ի վիճակի լինել անել այն, ինչ հաճույք է պատճառում»: