Սիբիրի լողափերից մեկում գոլֆի գնդակի մեծությամբ կարկուտ է տեղացել՝ սարսափահար անելով հանգստացողներին (լուսանկարներ, տեսանյութ)
Սիբիրի լողափերից մեկում ամռան ամենաշոգ օրերին ուժեղ կարկտահարություն է տեղի ունեցել: Ինչպես գրում է Daily Mail-ը՝ ներկայացված լուսանկարներում երևում է, թե ինչպես են Օբ գետի ափին հանգստացողները խուճապահար փորձում պատսպարվել գոլֆի գնդակի մեծության կարկուտից:
Համացանցում տեղադրված տեսանյութում պատկերվում է մարդկանց սարսափը, քանի որ ոչ ոք չէր սպասում, որ 37 աստիճան տաքության պարագայում եղանակը նման փոփոխության կենթարկվի: Տեսանյութում լսվում է մի կնոջ ձայն, որն ասում է. «Եթե մենք մեռնենք, ես քեզ սիրում եմ»:













